نماز،روزوں کےفدیہ کی مقداراورمصرف

استفتاء

فدیہ کیا ہے اور کیسے دیا جاتا ہے اور کس کو دیا جاتا ہے؟ہم مرحوم والدین کی فرض نماز اور روزے جو ان سے چھوٹ گئے ہیں اس کا فدیہ ادا کرنا چاہتے ہیں ۔اگرقرآن وحدیث کے حوالے کے ساتھ جواب مل جاتا تو۔

الجواب :بسم اللہ حامداًومصلیاً

ہر ایک روزےاور نماز کے بدلے پونے دو کلو گندم یا اس کی قیمت کسی مستحق زکوۃ مسلمان آدمی کو دے دی جائے ،یہی فدیہ ہے۔یاد رہے کہ دن کی پانچ فرض نمازیں اور وتر ملا کر دن کی چھ نمازوں کا فدیہ دیا جائےگا۔

الدر المختار(2/533۔532) میں ہے:

( ولو مات وعليه صلوات فائتة وأوصى بالكفارة يعطى لكل صلاة نصف صاع من بر ) كالفطرة ( وكذا حكم الوتر ) والصوم۔

فتاوی ہندیہ (1/459) میں ہے:

فإن لم يصم حتى أدركه الموت فعليه أن يوصي بالفدية كذا في البدائع ويطعم عنه وليه لكل يوم مسكينا نصف صاع من بر أو صاعا من تمر أو صاعا من شعير كذا في الهداية فإن لم يوص وتبرع عنه الورثة جاز ولا يلزمهم من غير إيصاء كذا في فتاوى قاضي خان۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم