نمازی کا اپنے سامنے جوتا رکھنا

استفتاء

مسجد میں اکثر لوگ جوتے اندر لے جاتے ہیں اور دیوار کے ساتھ رکھ دیتے ہیں یا نمازی اپنے سامنے دیوار کے ساتھ جوتے رکھ دیتا ہے کہ چوری نہ ہوجائے۔یہ عمل صحیح ہے یا غلط؟رہنمائی فرمائیں۔

الجواب :بسم اللہ حامداًومصلیاً

مذکورہ صورت میں نمازی جوتااپنے سامنے نہ رکھے بلکہ  مسجد کے باہر رکھا جائے ۔

بذل المجہود (3/ 600)میں ہے:(عن أبي هريرة  رضي الله عنه  أن رسول الله صلى الله عليه وسلم  قال: إذا صلى أحدكم فلا يضع نعليه عن يمينه) لأن جهة اليمين محترمة (ولا عن يساره، فتكون عن يمين غيره) فتكون محترمة في حقه، فيؤذيه ذلك.امداد الاحکام (1/444)میں ہے:جوتا میں اگر نجاست نہ لگی ہو تو مسجد کے اندر رکھ دینا جائز ہے اور اگر چوری کا خوف نہ ہو تو مسجد سے باہر رکھنا اولیٰ ہے ، اور اگر ناپاکی لگی ہو تو بدون اس کے دور کرنے جو تا کو مسجد میں رکھنا جائز نہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم