نمازی کے سامنے رکھی ہوئی چارپائی پر بیٹھنے کا حکم

استفتاء

(1)نمازی کے سامنے کتنا سترہ رکھنا چاہیے ؟(2)اور چارپائی کا سترہ درست ہے یا نہیں ؟اور پھر اس چارپائی پر بیٹھنا درست ہے یا نہیں ؟

الجواب :بسم اللہ حامداًومصلیاً

(1)نمازی کے سامنے ایک ذراع یعنی دو بالشت لمبا سترہ رکھنا چاہیے۔

(2)چارپائی کو سترہ بنانے میں یہ تفصیل ہے کہ اگر چارپائی کے پائے کے سامنے نماز پڑھی جائے تب تو اس کو سترہ بنانا جائز ہے۔لیکن پائے کے علاوہ باقی چارپائی سامنے ہو تو اس کو سترہ بنا نا جائز نہیں۔نمازی کے سامنے اگر چارپائی ہو تو اس کی طرف چہرہ  کرکے چارپائی  پر بیٹھنا جائز نہیں۔

شامی (2/484)میں ہے:

و(يغرز)ندبا بدائع(الامام)وكذاالمنفرد(في الصحراء)ونحوها(سترة بقدر ذراع)طولا(وغلظ اصابع)

شامی (2/497)میں ہے:

وصلاته الي وجه انسان …ككراهة استقباله فالاستقبال لو من المصلي فالكراهة عليه ،والا فعلي المستقبل ولو بعيدا ولا حائل

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم