نسوار اور سگریٹ کا حکم

استفتاء

نسوار اور سگریٹ کا شرعی حکم کیا ہے؟ حرام ہے یا مکروہ، اور اگر مکروہ ہے تو کس درجے کا مکروہ ہے؟ ہمارے علاقہ (شانگلا) پر بعض حضرات کا یہ کہنا ہے نسوار مکروہ ہے اور سگریٹ حرام ہے کیونکہ اس میں آگ ہے اور نسوار میں نہیں ہے، نیز وہ یہ بھی کہتے ہیں کہ نسوار رکھنے سے روزہ مکروہ ہوتا ہے اور سگریٹ سے ٹوٹ جاتا ہے اور دلیل اس کی یہ دیتے ہیں کہ سگریٹ اندر جاتا ہے جبکہ نسوار میں ایسی بات کوئی نہیں ہے۔

الجواب :بسم اللہ حامداًومصلیاً

نسوار ہو سگریٹ، دونوں عام حالات میں مباح ہیں اور اگر صحت کو نقصان پہنچاتے ہوں تو پھر ناجائز ہیں۔ بہتر یہ ہے کہ اس کا

بالکل استعمال نہ کریں، کیونکہ خلاف اولیٰ ہے نسوار کے اجزاء تھوک کے ذریعے حلق میں پہنچ جاتے ہیں اس لیے اس سے بھی روزہ ٹوٹ جاتا ہے۔ فقط  و اللہ تعالیٰ اعلم