نومولود کے کان میں اذان واقامت کہنے کا قرآن وحدیث سے ثبوت

استفتاء

نومولود بچے کے کان میں اذان دینا اور اقامت کہنا قرآن و حدیث سے ثابت ہے؟

الجواب :بسم اللہ حامداًومصلیاً

نومولو کے کان میں اذان اور اقامت  کہنا درج ذیل  احادیث سے ثابت ہے۔

شعب الایمان للبیہقی (رقم الحدیث:8620) میں ہے:

عن ابن عباس، أن النبي صلى الله عليه وسلم: ” أذن في أذن الحسن بن علي يوم ولد، ‌فأذن ‌في ‌أذنه اليمنى، وأقام في أذنه اليسرى “

ترجمہ: رسول اللہ ﷺ نے حضرت حسن بن علیؓ  کی پیدائش کے دن ان کے دائیں کان میں اذان اور بائیں کان میں اقامت کہی۔

المعجم الاوسط للطبرانی (رقم الحدیث:9250) میں ہے:

عن عبد الله بن عباس، حدثتني أم الفضل بنت الحارث الهلالية …………..  قالت: فلما وضعته أتيت به النبي صلى الله عليه وسلم، ‌فأذن ‌في ‌أذنه اليمنى، وأقام في أذنه اليسرى

ترجمہ: حضرت ام فضلؓ فرماتی ہیں جب میرا بیٹا  پیدا ہوا  تو میں  اسے حضورﷺ کے پاس لائی تو آپﷺ نے اس کے دائیں کان میں اذان اور بائیں کان میں اقامت کہی۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم