پاک کپڑوں کا ناپاک کپڑوں سے مل جانا

استفتاء

نجاست سے آلودہ شلوار پر پاک شلوار لٹکادی آلودہ حصہ پاک کپڑوں سے بالکل لگ گیا ۔پاک کپڑے پر گیلا پن تو نہیں آیا مگر نجاست سے اتصال کی بنا پر اتنے حصہ پر نجاست کی بو آگئی ۔کیا یہ کپڑا پاک ہے یا اس کو پاک کرنا پڑے گا ؟

اگر پاک کرنا ضروری ہو اور بجائے پانی سے دھونے کے دھوپ میں ڈال کر بو اڑا دی تو پاک ہو جائے گا؟

الجواب :بسم اللہ حامداًومصلیاً

مذكوره صورت میں چونکہ پاک کپڑے پر نجاست کا اثر ظاہر نہیں ہوا یعنی پاک کپڑا ناپاک کپڑے کی وجہ سے گیلا نہیں ہوا لہذا وہ پاک ہے ۔

ہندیہ(1/92)میں ہے:

إذا لف الثوب النجس في الثوب الطاهر والنجس رطب فظهرت نداوته في الثوب الطاهر لكن لم يصر رطبا بحيث لو عصر يسيل منه شيء ولا يتقاطر فالأصح أنه لا يصير نجسا.

الدر المختار(1/618)میں ہے:

نام أو مشى على نجاسة إن ظهر عينها تنجس وإلا لاولو وقعت في نهر فأصاب ثوبه إن ظهر أثرها تنجس وإلا لا لف طاهر في نجس مبتل بماء إن بحيث لو عصر قطر تنجس وإلا لا ولو لف في مبتل بنحو بول إن ظهر نداوته أو أثره تنجس وإلا لا.

مجمع الانھر (1/95)میں ہے:

ولو لف ثوب طاهر في رطب نجس فظهرت فيه رطوبته إن كان بحيث لو عصر قطر تنجس فلا تجوز الصلاة فيه لاتصال النجاسة به وإلا فلا.

فتاویٰ محمودیہ (5/263)میں ہے:

سوال:پیشاب کا بستر جو خشک ہو،اگر اس پر لیٹ جائے تو کیا اس لیٹ جانے سے پہنے ہوئے کپڑے ناپاک ہوجائیں گے؟ اور اگر ایسی حالت میں پسینہ آ جائے اور اس پیشاب کی بو کپڑوں میں آنے لگے تو کیا اس سے بھی کپڑے ناپاک ہو جائیں گے یا اگر بو نہ آئے تو پسینہ خوب آتا ہو تو کیا حکم ہے؟

جواب:بستر اگر خشک ہے اور بدن کو پسینہ بھی نہیں آیا تو نہ بدن ناپاک ہوگا نہ کپڑے ناپاک ہوں گے،اگر بستر تر ہے اور پیشاب بدن یا کپڑے پر لگ گیا یا بستر تو خشک ہے لیکن پسینہ آ کر تر ہوا اور پیشاب کا اثر کپڑوں میں یا بدن میں آگیا تو اس کی وجہ سے ناپاکی کا حکم ہوگا۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم