پانچ بیٹوں اور تین بیٹیوں میں وراثت کی تقسیم

استفتاء

ترکہ کی مجموعی رقم ایک کروڑ روپے ہے، ورثاء میں 5  بیٹے اور 3  بیٹیاں ہیں ہر ایک وارث کتنا حصہ ملے گا؟ میت کی بیوہ نہیں ہے وہ پہلے سے فوت ہوگئی  تھی اور میت کے والدین بھی پہلے فوت ہو گئے ہیں۔

الجواب :بسم اللہ حامداًومصلیاً

مذکورہ صورت میں کل ترکہ کو 13 حصوں میں تقسیم کیا جائے گا جن میں سے میت کے پانچوں بیٹوں میں سے ہر بیٹے کو دو دو حصے یعنی 15.38 فیصد دیے جائیں گے اور میت کی تینوں بیٹیوں میں سے ہر ایک کو ایک ایک حصہ یعنی 7.69 فیصد دیے جائیں گے۔

اس لحاظ سے ایک کروڑ روپے میں سے میت کے ہر بیٹے کو1538461.53روپے ملیں گے اور میت کی تین بیٹیوں میں سے ہر ایک کو 769230.76 روپے ملیں گے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم