قبر کو سیمنٹ سے پختہ  کرنا

استفتاء

ایک سوال عرض ہے کہ قبر کو پکا کروانا یعنی سیمنٹ سے پلستر کروانا کیسا ہے؟اور یہ بھی بتا دیجیے کہ کچھ لوگ کہتے ہیں کہ صرف محرم کے مہینے میں قبر پکی کروانی چاہیے کیا یہ درست ہے؟

الجواب :بسم اللہ حامداًومصلیاً

قبر کو پکا کرنا  یا کروانا  جائز نہیں  خواہ  محرم کے مہینے  میں کریں یا کروائیں  یا کسی اور مہینے میں ، اس میں کسی مہینے کی کوئی  تخصیص نہیں ہے  ۔

بحر الرائق (209/2) میں ہے:

ويكره۔۔۔قوله ( ولا يجصص ) لحديث جابر نهى رسول الله صلى الله عليه وسلم أن يجصص القبر وأن يقعد عليه وأن يبنى عليه وأن يكتب عليه وأن يوطأ والتجصيص طلي البناء بالجص بالكسر والفتح كذا في المغرب وفي الخلاصة ولا يجصص القبر ولا يطين ولا يرفع عليه بناء ۔

مسائل بہشتی زیور (334/1) میں ہے:

قبر پر گچ کرنا اور اس کو پختہ کرنا مکروہ تحریمی ہے۔ البتہ گارے سے لیپنا  جائز ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم