قبر پر جھنڈا لگانے کا حکم

استفتاء

کیا فرماتے ہیں علمائے دین اس مسئلہ کے بارے میں کہ اگر کوئی وصیت کر ے کہ میری قبر پر پاکستان کا یا جمعیت علمائے اسلام کا جھنڈا نصب کیا جائے تو آیا اس طرح کی وصیت کرنا جائز ہے یا نہیں ؟اس کو پورا کرنا جائز ہے یا نہیں؟نیز بغیر کسی وصیت کے قبر پر  جھنڈا لگانا کیسا ہے؟

الجواب :بسم اللہ حامداًومصلیاً

قبر پر جھنڈا لگانا کسی صورت جائز نہیں ہے خواہ وصیت کی وجہ سےہو یا بغیر وصیت کے ۔اور نہ ہی ایسی وصیت کو پورا کر نا جائز ہے۔

فتاوی شامی(276ْ/10) میں ہے:ومكروهة كالوصية لاهل الفسوق والمعاصي ۔۔۔ قوله: (ومكروهة لاهل فسوق) يرد عليه ما في صحيح البخاري: لعل الغني يعتبر فيتصدق، والسارق يستغني بها عن السرقة، والزانية عن الزنا.وكان مراده ما إذا غلب على ظنه إنه يصرفها للفسوق والفجور اه رحمتي.أقول: وظاهر ما مر أنها صحيحة، لكن سيأتي آخر باب الوصية للاقارب تعليل القول ببطلان الوصية بتطييين القبر بانها وصية بالمكروه  ۔

کفایت المفتی (43/9) میں ہے؛سوال:  (۱) ایک مسجد میں چند قبریں ہیں جو بعض بزرگوں کی بتائی جاتی ہیں زید ان قبروں پر جھنڈا گاڑتا ہے یہ جھنڈا گاڑنا جائز ہے یا نہیں ؟ ۔۔۔جواب :سوالات  مذکورہ بالا کا شرعی جواب یہ ہے کہ زید کے یہ افعال شرعاً ناجائز اور حرام ہیں ۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم