قسطوں پر فروخت کرنے کی صورت میں نفع کی شرح

استفتاء

قسطوں پر چیز فروخت کرنے کی صورت میں کتنے فیصد منافع کمانا جائز ہے؟ 30 فیصد جائز ہے؟

الجواب :بسم اللہ حامداًومصلیاً

اس کی کوئی حد مقرر نہیں۔ البتہ ایک تو مارکیٹ ریٹ کا لحاظ رکھا جائے یعنی قسطوں پر فروخت کرنے میں جو مارکیٹ ریٹ ہے اس کا لحاظ رکھا جائے۔ اور دوسرے انسانی و اسلامی ہمدردی کا خیال رہے۔ اور تیسرے کسی آدمی کی ناواقفیت اور سیدھے پن سے غلط فائدہ نہ اٹھایا جائے۔۔۔۔۔۔۔۔۔۔۔ فقط و اللہ تعالیٰ اعلم