قرآن پاک جس الماری میں ہو اس کی طرف پاؤں کرنے کاحکم

استفتاء

کمرے میں ایک طرف بیڈ  رکھا ہوا  ہے  اور بیڈ  کے سامنے کپڑوں والی الماری رکھی ہوئی ہے اور الماری میں قرآن مجید رکھا ہوا ہے بیڈ پر سوتے ہوئے پاؤں الماری کی طرف ہوتے ہیں تو کیا ایسے میں قرآن کی بے ادبی اور گناہ ہے؟

الجواب :بسم اللہ حامداًومصلیاً

اگر قرآن پاک الماری میں اونچی جگہ پر ہو یا نیچے ہو لیکن وہ الماری بند ہو تو اس کی طرف پاؤں کر کے سونا بے ادبی نہیں ہے۔

درمختار و شامی (427/2)میں ہے :

كما كره (مد رجليه في نوم او غيره  اليها) اي عمدا لانه اساءة الادب قاله منلا باكير (او الى مصحف او شيء من الكتب الشرعية  الا ان يكون على موضوع مرتفع عن المحاذاة ) فلا يكره قاله الكمال قوله (مرتفع) ولو كان الارتفاع قليلا قلت : اى بما تنتفى به المحاذاة عرفا  ويختلف ذالك فى القرب و البعد فانه فى البعد لا تنتفى بالارتفاع القليل والظاهر انه مع البعد الكثير لا كراهة مطلقا

احسن الفتاوی   (22/8)میں ہے:

: سوال: الماری میں اوپر والے خانے میں قرآن مجید رکھا ہوا ہو تو اس کی طرف پاؤں پھیلانا یا پیٹھ کرنا جائز ہے یا نہیں؟

جواب: جائز ہے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ اعلم