ریال کی صورت میں لیے ہوئے قرض کی واپسی کےوقت ریال کاریٹ بڑھ جائے تو قرض کی واپسی کس حساب سے ہوگی؟

استفتاء

میں نے ایک رشتہ دار سے پینتیس سو ریال ادھار رقم لی تھی اس وقت ریال کی قیمت 24 اور 25 روپے تھی حالات خراب ہونے کی وجہ سے نوکری چھوٹ گئی اور پیسے بھی نہیں دے سکا اب ریال کی قیمت ہے تقریبا 44 یا 45 روپے ہے،اب مجھے واپسی کس حساب سے کرنی ہوگی؟ برائے مہربانی مجھے مسئلے کا حل بتائیں

الجواب :بسم اللہ حامداًومصلیاً

قرض کا اصل اصول یہ ہے کہ جس صورت میں لیا ہو اسی میں واپس کیا جائے چنانچہ آپ3500ریال کے دیندار ہیں ہاں اگر باہمی رضامندی سے روپوں کی صورت میں دینا چاہیں تواس کی گنجائش ہے اور اس صورت میں موجودہ ریٹ کے اعتبار سے بھی پیسے دے سکتے ہیں،اورباہمی رضامندی ہوتو سابقہ ریٹ کےاعتبارسے بھی دےسکتے ہیں لیکن روپوں کی صورت میں دینے میں یہ ضروری ہوگا کہ جس مجلس میں یہ معاملہ ہواس میں پورے روپے ادا کردیےجائیں لئلايلزم بيع الكالى بالكالى فان استبدال القرض بالغير بيع حكما.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم