روزے کی حالت میں مشت زنی کا حکم

استفتاء

السلام علیکم میرا سوال یہ ہے کہ اگر کوئی شخص روزے کی حالت میں خود اپنے ہاتھوں سے خود کو خارج (فارغ) کر لیتا ہے تو اس کا کیا حل ہوگا ؟

الجواب :بسم اللہ حامداًومصلیاً

روزہ کی حالت میں مشت زنی کرنے سے روزہ ٹوٹ جاتا ہے اور اس صورت میں قضاء لازم آئے گی اور چونکہ جان بوجھ کر بغیر عذر کے روزہ توڑنا گناہ کا کام ہے اس لیے اس پر توبہ و استغفار بھی کریں ۔

فتاویٰ شامی (3/435) میں ہے:او استمنى بكفه او بمباشرة فاحشة ولو بين المرأتين فانزل ……قضى فقطفتاویٰ التاتارخانیہ(3/385) میں ہے  : ولو ناكح بيده ولم ينزل او جامع فيما دون الفرج ولم ينزل لا يفسد صومه وان انزل كان عليه القضاء دون الكفارة.۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم