رخصتی کے وقت تجدید نکاح کرنا

استفتاء

زید اور ہندہ کا بوقت منگنی شرعی طریقے  کے مطابق نکاح  پڑھایا جاچکا۔پھر تقریبا 3,2 سال بعد بوقت رخصتی منکوحین کے والدین دوبارہ  نکاح پڑھوانے پر مصر ہیں،ان کا کہنا ہے کہ حکومت پاکستان کے قانون کے مطابق بوقت نکاح لڑکی کی عمر سولہ سال اور لڑکے کی عمر اٹھارہ سال ہونا ضروری ہے جبکہ منکوحین کی عمر مذکورہ بالا  عمر سے کم تھی اس لئے شرعی نکاح پڑھادیا گیا اور اندراج کتب نہیں ہوا ،اب منکوحین کی سرکاری عمر پوری ہو چکی ہےلہذا  اندراج کتب کے  ساتھ ساتھ نکاح بھی دوبارہ پڑھایا جائے جبکہ بغیر معقول وجہ کے دوبارہ نکاح نہیں پڑھایا جاسکتا؟

الجواب :بسم اللہ حامداًومصلیاً

جب پہلا نکاح بوقت منگنی باقاعدہ ایجاب وقبول کے ساتھ گواہوں کی موجودگی میں ہوا ہے تو  رخصتی کے وقت دوبارہ نکاح کرنے کی ضرورت نہیں  لیکن اگر پھر بھی دوبارہ نکاح پڑھا لیا جائے تو اس میں کوئی حرج نہیں۔ کیونکہ نکاح پر نکاح اس صورت منع ہے جب کسی اور سے نکاح کیا جائے۔

درمختارمع ردالمحتار(75/4)میں ہے:(وينعقد) (بإيجاب) من أحدهما (وقبول) من الآخرہدایہ(306/2)میں ہے:ولا ينعقد نكاح المسلمين الا بحضور شاهدين حرين عاقلين بالغين مسلمين رجلين أو رجل و أمراتينشامی(42/1)میں ہے:والاحتياط أن يجدد الجاهل ايمانه كل يوم ويجدد نكاح امراته عند شاهدين في كل شهر مرة أو مرتين،اذ الخطأ وإن لم يصدر من الرجل فهو من النساء كثيردرمختارمع ردالمحتار( 238/4)میں ہے:وفي الكافي: جدد النكاح بزيادة ألف لزمه الالفان على الظاهرقوله ( وفي الكافي الخ ) حاصل عبارة الكافي تزوجها في السر بألف ثم في العلانية بألفين ظاهر المنصوص في الأصل أنه يلزم عنده الألفان ويكون زيادة في المهر وعند أبي يوسف المهر هو الأول لأن العقد الثاني لغو فيلغو ما فيه ۔۔۔۔۔ الخ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم