سالے کی بیٹی سے نکاح کرنے کا حکم

استفتاء

کیا سالے کی بیٹی یعنی بیوی کی بھتیجی  سے نکاح کر سکتے ہیں۔؟

وضاحت مطلوب  ہے کہ: جس سالے کی بیٹی سے آپ نکاح کرنا چاہتے ہیں اس کی بہن آپ کے نکاح میں موجود ہے۔؟

جواب وضاحت: جی ہاں نکاح میں ہے۔

الجواب :بسم اللہ حامداًومصلیاً

جب تک بیوی نکاح میں ہے اس وقت تک سالے کی بیٹی سے نکاح کرنا جائز نہیں۔ہاں اگر بیوی کو طلاق ہو جائے اور عدت بھی گزر جائے یا بیوی فوت ہو جائے تو پھر کر سکتے ہیں۔

رد المحتار(4/123) میں ہے:

قوله ( لا تنكح المرأة على عمتها ) تمامه ولا على خالتها ولا على ابنة أخيها ولا على ابنة أختها

الجوھرۃ النیرۃ(69/2) میں ہے:

ولا يجمع بين المراة وعمتها ولا خالتها ولا بنت اختها ولا بنت اخيها۔

ولا يجمع بين امرأتين لو كانت كل واحدة منهما رجلا   لم يجز له ان يتزوج بالاخري۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم