شلوار کو ٹخنوں سے نیچے رکھنے والے امام کے پیچھے نماز پڑھنے کاحکم

استفتاء

جناب جو امام مسجد شلوار کے پانچے ٹخنوں سے نیچے رکھتا ہواس کے پیچھے نماز ہوجاتی ہے یا نہیں؟

الجواب :بسم اللہ حامداًومصلیاً

مذکورہ امام کے پیچھے نماز  ہوتو جاتی ہےلیکن جو لوگ اس امام کو ہٹانے پر قادرہوں اور پھر بھی اس کے پیچھے نماز پڑھیں تو ان کی نماز مکروہ تحریمی ہوگی ۔

صحیح بخاری(رقم الحدیث:5450)میں ہے:

عن أبي هريرة رضي الله عنه،عن النبي صلى الله عليه وسلم قال:”‌ما ‌أسفل ‌من ‌الكعبين من الإزار ففي النار”

ترجمہ:حضرت ابو ہریرہؓ نبی اکرمﷺ سے روایت کرتے ہیں کہ آپﷺ نے ارشاد فرمایا”ٹخنوں کا جو حصہ شلوار کے نیچے چھپا ہوا ہوتو وہ جہنم کی آگ میں ہوگا۔

ابوداؤد (رقم الحدیث:4086)میں ہے:

“إن الله لا يقبل ‌صلاة ‌رجل ‌مسبل”

ترجمہ:اللہ تعالی اس آدمی کی نماز کو قبول نہیں فرماتےجو شلوار کو ٹخنوں سے نیچے لٹکائے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم