شیزان کمپنی کی چیزیں خریدنا

استفتاء

کیا فرماتے ہیں مفتیان کرام اس بارے میں کہ شیزان کمپنی کی بنی ہوئی چیزیں خود خرید کر استعمال کرنا درست ہے؟

کیونکہ ہم نے سنا ہے کہ یہ کمپنی قادیانیوں کی ہے اور قادیانیوں کو مالی نفع پہنچانا درست نہیں ۔

برائے مہر بانی اس بارے میں ہماری رہنمائی فرمائیں !جزاکم اللہ خیرا

الجواب :بسم اللہ حامداًومصلیاً

شیزان کمپنی کی مصنوعات خریدنے سے اجتناب کرنا چاہیے۔

بدائع الصنائع (4/ 176) میں ہے:

وأما شرط النفاذ فأنواع منها خلو العاقد عن الردة إذا كان ذكرا في قول أبي حنيفة وعند أبي يوسف ومحمد ليس بشرط بناء على أن تصرفات المرتد موقوفة عند أبي حنيفة وعندهما نافذة.

رد المحتار (6/ 381) میں ہے:

ويتوقف منه اتفاقا …( قوله ما يعتمد المساواة ) أي بين المتعاقدين في الدين ( قوله وهو المفاوضة ) فإذا فاوض مسلما توقفت اتفاقا ، فإن أسلم نفذت ، وإن هلك بطلت ، وتصير عنانا من الأصل عندهما ، وتبطل عنده بحر عن الخانية ( قوله أو ولاية متعدية ) أي إلى غيره قوله ويتوقف منه عند الإمام ) بناء على زوال الملك كما سلف نهر ( قوله وينفذ عندهما ).

احسن الفتاوی (1/46) میں ہے:

قادیانی زندیق ہیں جن کا حکم عام مرتد سے بھی زیادہ سخت ہے ۔۔۔۔۔لہذا ان کی بیع وشراء ، اجارہ و استجارہ ، ہبہ کا لین دین وغیرہ کوئی تصرف بھی صحیح نہیں ۔۔۔۔۔۔۔۔اس میں یہ مفاسد ہیں :اس میں قادیانیوں کے ساتھ تعاون ہے ،اس قسم کے معاملات میں عوام قادیانیوں کو مسلمانوں کا ایک فرقہ سمجھنے لگتے ہیں ،اس طرح قادیانیوں کو اپنا جال پھیلانے کے مواقع ملتے ہیں ،اس لئے قادیانیوں سے لین دین اور دیگر ہر قسم کے معاملات میں قطع تعلق ضروری ہے ان سے تعلقات رکھنے والا آدمی اگر چہ ان کو برا سمجھتا ہو قابل ملامت ہے ، ایسے شخص کو سمجھانا دوسرے مسلمانوں پر فرض ہے ، واللہ تعالی اعلم ۔

فتاوی محمودیہ(2/115) میں ہے:

قادیانی کا حکم

سوال: ۔۔۔۔۔۔۔۔۔قادیانی کے ساتھ بیع وشراء اورکھانا پینا جائز ہے یا نہیں؟

الجواب حامداً ومصلیاً!مرزا غلام احمد قادیانی نے عقائدِ کفریہ اختیار کئے جس کی وجہ سے وہ اسلام سے خارج اورمرتد ہو گیا ۔۔۔۔۔۔۔ایسے شخص سے سلام وکلام بیع وشراء سب ختم کردینا لازم ہے۔۔۔۔۔۔ فقط واللہ اعلم ۔حررہ العبد محمود عفی عنہ دارالعلوم دیوبند

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم