شوہر نے ہر مہینے تین طلاقیں دیں، عدت پہلی طلاق سے شروع ہوگی یا تیسری طلاق سے؟

استفتاء

قبلہ محترم! ایک شرعی مسئلہ پوچھنا ہے کہ ایک عورت کو اس کے شوہر نے تین طلاقیں طلاقنامے بھیج کر دیں، ہر ماہ ایک ایک کر کے یعنی 16 مارچ، 16 اپریل اور 16 مئی۔ جب تیسری طلاق دی تو اسکے بعد 12 جولائی کو اس عورت نے دوبارہ شادی کرلی  تو کیا اسکی عدت پوری ہوئی یا نہیں؟ مطلب عدت پہلی طلاق سے شروع ہو گی یا تیسری طلاق سے؟…. جزاک اللہ خیرا……. آپ کی بڑی کرم نوازی ہو گی۔

وضاحت  مطلوب ہے کہ کیا شوہر نے پہلے طلاقنامے یا دوسرے طلاقنامے کے بعد رجوع کیا تھا؟

جوابِ وضاحت: رجوع نہیں کیا تھا۔

الجواب :بسم اللہ حامداًومصلیاً

مذکورہ صورت میں عدت پہلی طلاق یعنی 16 مارچ سے شروع ہوگی، لہٰذا 16 مارچ کے بعد 12 جولائی کو نکاح سے پہلے پہلے اگر اس کی عدت پوری ہوگئی تھی تو اگلا نکاح بھی صحیح ہے۔مبسوط سرخسی (6/9) میں ہے:

وإذا أراد أن يطلقها ثلاثًا، طلّقها واحدة إذا طهرت من الحيض ……… فإذا حاضت وطهرت، طلّقها أخرى، واحتسب بهذه الحيضة من عدتها، فإذا حاضت الثالثة وطهرت، طلّقها أخرى، وقد بقي عليها من عدتها حيضة……….. توضيحه أن المقصود تبين فراغ الرحم وذلك لا يتغير بتكرر الطلاق وعدم التكرر فلهذا كانت عدتها من التطليقة الأولى وعلى هذا اتفق أصحاب رسول الله صلى الله عليه وسلم ورضي الله عنهم.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالیٰ اعلم