صرف شناخت کی بنیاد پر نفع میں شرکت کا حکم

استفتاء

کیا فرماتے ہیں مفتیان کرام اس مسئلہ کے بارے میں کہ  تین آدمی ہیں ایک *** دوسرا *** اور تیسرا *** ،  *** کے 10 لاکھ روپے ہیں *** ان 10 لاکھ روپیہ سے  کپڑوں کا کاروبار کرے گا۔ نیز *** نے *** کو یہ   10  لاکھ روپیہ  *** کی شناخت اوران کے  اعتبار پر  دیئے ہیں۔ اب ***، *** اور *** سے کہہ رہا ہے کہ اس 10 لاکھ سے جو نفع حاصل ہوا اس میں ہم تینوں شریک  ہیں تو (1)کیا اس کا نفع میں حصہ  بنتا ہے؟(2)  اور اگراس نفع میں *** کا حق بنتا ہے تو کیا  *** اور *** کی رضامندی ضروری ہے یا نہیں ؟(3)اگر *** کا حق نہیں بنتا تو جواز کی کیا صورت ہے؟

الجواب :بسم اللہ حامداًومصلیاً

1،2) *** صرف شناخت کی بنیاد پر نفع میں شرکت کا استحقاق نہیں رکھتا  چاہے *** اور *** راضی بھی ہوں کیونکہ شرعا  یہ کوئی ایسی بنیاد نہیں جو نفع میں استحقاق  کا ذریعہ ہو ۔

3)  اس کے جائز متبادل درج ذیل ہیں (1)  *** بھی اس کام میں انویسٹ  کرلے اور اس کی بنیاد پر نفع میں شریک ہو یعنی *** اور *** کا سرمایہ ہوگا اور کام *** کرے گا   اور دونوں کے سرمایہ پر ہونے والے نفع میں سے فیصدی طور کچھ *** کو محنت کی بنیاد پر ملے گا اور باقی *** اور *** کو ان کے سرمایہ کی بنیاد پر ملے گا (2) *** اور *** *** سے طے کرکے  دونوں اس کے سرمایہ پر   کام کریں    اور کام کی بنیاد پر دونوں نفع میں شریک ہوں یعنی تینوں میں نفع طے شدہ فیصدی تناسب سے تقسیم ہو(3)*** پہلے یہ سرمایہ *** کو مضاربت پر دے اور اس سے  *** کو ہونے والے نفع میں فیصد طے کرلے  پھر *** *** کی اجازت سے یہ سرمایہ آگے *** کو مضاربت پر دے اور اس سے نفع فیصد میں طے کرلے اس صورت میں کاروبار میں جو نفع ہوگا وہ پہلے فیصدی اعتبار سے *** اور *** میں تقسیم ہوگا پھر جو *** کو ملا ہوگا وہ *** اور *** میں طے شدہ فیصدی تناسب سے تقسیم ہوجائے گا ۔

بدائع الصنائع (6/ 62) میں ہے:

والأصل ‌أن ‌الربح ‌إنما يستحق عندنا إما بالمال وإما بالعمل وإما بالضمان، أما ثبوت الاستحقاق بالمال فظاهر؛ لأن الربح نماء رأس المال فيكون لمالكه، ولهذا استحق رب المال الربح في المضاربة وأما بالعمل، فإن المضارب يستحق الربح بعمله فكذا الشريك.وأما بالضمان فإن المال إذا صار مضمونا على المضارب يستحق جميع الربح، ويكون ذلك بمقابلة الضمان خراجا بضمان بقول النبي عليه الصلاة والسلام "الخراج بالضمان”

رد المحتار (5/ 653) میں ہے:

(فإن أذن) المالك (بالدفع ودفع بالثلث وقد قيل) للأول (ما رزق الله فبيننا نصفان فللمالك النصف) عملا بشرطه (وللأول السدس الباقي وللثاني الثلث) المشروط (ولو قيل ما رزقك الله بكاف الخطاب) والمسألة بحالها (فللثاني ثلثه والباقي بين الأول والمالك نصفان) باعتبار الخطاب فيكون لكل ثلث.(ومثله ما ربحت من شيء أو ما كان لك فيه من ربح) ونحو ذلك وكذا لو شرط للثاني أكثر من الثلث أو أقل فالباقي بين المالك والأول

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم