صرف زکوٰة اور قربانی کا کیا حکم ہے؟

استفتاء

میری شادی کو تقریباً ڈیڑھ سال ہوا ہے میری بیوی کے پاس 4تولے سونا ہے ۔نہ چاندی ہے اور نہ جمع شدہ نقدی ، ہاں البتہ اپنے میکے جائے تووالدین کبھی  5سو کبھی  ایک ہزار  کبھی دوہزار روپے دیتے ہیں جوکہ ہم اپنے گھر کی  روز مرہ کی ضروریات میں خرچ کردیتے ہیں ۔ کیا اس پر زکوٰة اور قربانی واجب ہے  یا نہیں؟ اور اگر  ہے تو سال گذشتہ کی زکوٰہ  اور قربانی کیسے ادا کریں ؟ برائے مہربانی وضاحت سے ارشاد فرمائیں۔

الجواب :بسم اللہ حامداًومصلیاً

زکوٰة واجب نہیں  قربانی واجب ہے ۔ گذشتہ سال کی قربانی کے لیے یہ کریں کہ قربانی کی جتنی قیمت بنتی ہے اتنی رقم صدقہ کردیں۔فقط واللہ تعالیٰ اعلم