STC کاتصاویر والابروشر چھاپنا

استفتاء

STCبیرون ممالک سے میڈیکل لیبارٹری سے متعلق سامان (مشینیں اور کیمیکل وغیرہ) گورنمنٹ اور پرائیویٹ اداروں کو امپورٹ کرکے دیتی ہے بعض اوقات پرنسپل (ایکسپورٹر) کی طرف سے بروشر ای میل کے ذریعے STC کو بھیج دیا جاتا ہے STCاپنے خرچے پر اس بروشر کو چھاپ کر مارکیٹنگ کے لیے استعمال کرتی ہے STC نے اب تک دو تین دفعہ ہی اس طرح بروشر چھپوائے ہیں ورنہ عام طور پرنسپل سے ہی بروشر منگوائے جاتے ہیں STC نے جو بروشر چھپوائے تھے ان میں جانداروں کی تصویروں کا استعمال نہیں ہوا تھا البتہ ممکن ہےکہ آئندہ تصویر والا بروشر بھی چھاپنا پڑ جائے لیکن اس تصویر کو پرنسپل سے کہہ کر ختم کیا جا سکتا ہے یعنی یہ کہ ابتداء ہی سے چھاپا  نہ جائے ۔

مذکورہ صورت کا کیا حکم ہے؟

الجواب :بسم اللہ حامداًومصلیاً

بروشر پر جاندار کی تصویر چھاپنا جائز نہیں لہذا اگر جاندار کی تصویر چھاپنے سے بچا جائے اور بروشر میں کوئی خلاف واقعہ بات نہ ہو تو مذکورہ صورت جائز ہے۔

بخاری شریف (595) میں ہے:

عن عبد الله بن مسعود رضي الله تعالى عنه قال سمعت النبي صلى الله عليه وسلم يقول ان اشد الناس عذابا عند الله المصورون

شرح النووى على صحيح مسلم (2/199) میں ہے:

قال اصحابنا وغيرهم من العلماء تصوير صورة الحيوان حرام شديد التحريم وهو من الكبائر لانه متوعد عليه بهذا الوعيد الشديد المذكور في الاحاديث

مسند احمد(19/294) میں ہے:

عن ابي امامة قال قال رسول الله صلى الله عليه وسلم يطبع المؤمن على الخلال كلها الا الخيانه

والكذب

ترمذی شریف (1210) میں ہے:

عن اسماعیل بن عبید بن رفاعة……..فقال: ان التجار يبعثون يوم القيامه فجارا الا من اتقى وبر وصدق

مسلم شریف (1/70) میں ہے:

عن ابي هريرة ان رسول الله صلى الله عليه وسلم قال من حمل علينا السلاح فليس منا ومن غشنا فليس منا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط  واللہ تعالی اعلم