سنت اور نفل نماز کی  ہر رکعت میں ایک ہی سورت پڑھنا افضل ہےیاالگ الگ سورتیں پڑھناافضل ہے؟

استفتاء

سوال یہ ہے کہ نوافل اورسنتوں کی تمام رکعات میں ایک ہی سورت پڑھنا افضل ہےیاہررکعت میں الگ الگ سورت پڑھنا جیسےظہرکی چار سنتوں میں صرف ایک ہی  سورت”قل ھواللہ احد”تمام رکعات میں پڑھ لوں،یاہررکعت میں مختلف سورتیں پڑھناجیسےظہرکی چارسنتوں میں ہررکعت میں مختلف سورتیں”چاروں قل "پڑھ لوں۔

الجواب :بسم اللہ حامداًومصلیاً

سنت اورنفل نماز میں دونوں طرح سےپڑھناٹھیک ہےالبتہ فرض نمازکی ہررکعت میں قصداً ایک ہی سورت پڑھنا مکروہ تنزیہی ہے۔

تبيين الحقائق (1/336)میں ہے:

ولابأس أن يقرأسورةفي الأولى ثم يعيدهافي الثانيةلما روي أنه صلى الله عليه وسلم قرأفي الركعة الأولى من المغرب(إذا زلزلت الأرض)ثم قام وقرأهافي الثانية…..الي ان قال…..ولا يكره في النفل شيءمن ذلك.

رد المحتار (2/329)میں ہے:

لابأس أن يقرأسورةويعيدهافي الثانية….(قوله لا بأس أن يقرأسورةإلخ)أفادأنه يكره تنزيها، وعليه يحمل جزم القنية بالكراهة،ويحمل فعله عليه الصلاةوالسلام لذلك على بيان الجواز.

فتاویٰ محمودیہ(7/92) میں ہے:

سوال: ہررکعت میں اگرایک ہی سورت پڑھی جائے توجائز ہے یاناجائز؟اگر مجبوری کے سبب ایساکرے توکیا حکم ہے؟

جواب:اگرکسی کوایک ہی سورت یاد ہوتووہ اسی سورت کوپڑھے گااوراس میں کوئی کراہت نہیں،اگراورسورت بھی یاد ہو توفرض نمازمیں قصداً ہررکعت میں ایک ہی سورت کوپڑھنا مکروہ ہے۔ بھولے سے ایساکرنا مکروہ نہیں،نوافل میں مطلقاً مکروہ نہیں۔ فقط

احسن الفتاویٰ (3/77) میں ہے:

سوال:ایک رکعت میں سورۃ اخلاص پڑھی،دوسری میں بھی سورۃ اخلاص پڑھی،تو نماز مکروہ ہوگی یا نہیں؟

جواب:فرائض میں عمدا ایسا کرنا مکروہ تنزیہی ہے،نوافل میں کوئی کراہت نہیں۔

قال في العلائيةلابأس أن يقرأسورةويعيدهافي الثانيةوفي الشاميةأفادأنه يكره تنزيها،(ردالمحتار ص:٥١٠ج:١)وفي العلائيةولا يكره في النفل شيءمن ذلك(ردالمحتارص:٥١١ج:١)

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم