سوئزرلینڈمیں عیسائی بیوی سے علیحدگی کاحکم

استفتاء

ایک شخص کی شادی ایک عیسائی لڑکی سے ہوئی ہے اس میں سے اولاد بھی ہے کوشش کے باوجود نو دس سال میں لڑکی مسلمان نہیں ہوئی کیا اس کے ساتھ زندگی گزارنا جائز ہے؟

وضاحت مطلوب ہے کہ (۱)سوال کس جگہ کا ہے؟(۲)لڑکی عیسائیت میں کس قدر پختہ ہے؟(۳)بچوں کا مذہبی مستقبل کیا ہوگا؟

جواب وضاحت(۱)سوئزر لینڈ(۲)35 پرسنٹ عیسائیت میں پختہ ہے(۳)کوشش ہے کہ اسلام پر لے آؤں ابھی ان کی عمر پانچ سال اور تین سال ہے۔

الجواب :بسم اللہ حامداًومصلیاً

یہ سوال شادی کرنے سے پہلے پوچھنے کا تھا بہرحال جب کر لی ہے تو اب بچوں کے مستقبل کو سامنے رکھتے ہوئے حکمت و تدبیر کے ساتھ کوئی فیصلہ کریں ۔اگر بچوں کا مذہبی فائدہ علیحدہ ہونے میں ہے تو علیحدگی اختیار کرلیں اور اگر ساتھ رہنے میں ہے تو ساتھ رہ لیں اور اسے مسلمان کرنے کی کوشش کسی سمجھدار تجربہ کار آدمی کی مشاورت کے ساتھ کرتے رہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم