تبادلہ شدہ چیز واپس لینے کا حکم

استفتاء

کیا فرماتے ہیں علماء کرام ومفتیان کرام اس مسئلہ کے بارے میں کہ ایک رقبہ تقریبا 4 کنال زرعی زمین   ابتدائی وراثتی تقسیم کے وقت *** نامی شخص کے قبضہ میں آئی،  *** نے *** نامی شخص کو وہ زمین فروخت  کردی، بیع وشراء مکمل ہوگئی اور *** نے اس زمین پر قبضہ بھی کرلیا  ،بعد ازاں *** نے وہ زمین *** کود یدی  اور

ا سکے بدلے دوسری جگہ پر 4 کنال زرعی زمین اس (***) سے لے لی ۔تقریبا 2،3 سال تک وہ زمین *** کے قبضہ میں رہی  اور وہ اس میں کاشت کرتا رہا ، چونکہ *** کی ایک اور زمین اس 4 کنال سے کچھ فاصلے پر اس کی ملکیت اور قبضہ میں تھی،  اس نے  *** سے تبادلہ کرواکر  یہ چار کنال *** کو دیدی اور *** سے ملحق زمین 4 کنال لے لی،اب مذکورہ 4 کنال اراضی پر غالبا عرصہ دو سال سے *** کا قبضہ ہے۔

اب کسی ذاتی معاملات کی وجہ سے*** اور *** میں تنازعہ ہوا  جس کی وجہ سے *** مذکورہ چار کنال  جو *** کے قبضہ میں جا چکی ہےپر قابض ہونا چاہتا ہے جبکہ *** کا کہنا ہے کہ اس وقت جہاں میری ملکیت ہے میں اس  میں سے *** کو 4 کنال اراضی واپس کرنا چاہتا ہوں مگر *** *** سے چار کنال لینا چاہتا ہے۔

اب پوچھنا یہ ہے کہ  *** کا مطالبہ *** سے کرنا درست ہے؟ یا *** سے مطالبہ کرے گا؟  جبکہ *** دینے کے لیے رضامند ہے جہاں اس کا قبضہ ہے  یہ یاد رہے کہ ا س تمام اراضی پر کسی کا انتقال اور اسٹام وغیرہ کچھ نہیں ہے بلکہ اب خاندانی تقسیم ہے ہر شخص اپنی زمین اس طرف لے جانا چاہتا ہے جہاں اس کی کوئی دوسری زمین موجود ہے۔

الجواب :بسم اللہ حامداًومصلیاً

مذکورہ صورت میں *** کا  نہ *** سے مطالبہ درست ہے اور نہ *** سے درست ہے اور اسی طرح *** کے علاوہ کوئی اور بھی *** سے ا س زمین کا مطالبہ نہیں کرسکتا۔

توجیہ: جب *** نے یہ زمین *** کو فروخت کردی تو یہ زمین *** کی ملکیت سے نکل کر *** کی ملکیت میں آگئی پھر جب *** نے ا س زمین کا تبادلہ *** سے کرلیا تو یہ زمین *** کی ملکیت سے نکل کر *** کی ملکیت میں آگئی پھر جب *** نے   اس زمین کا تبادلہ *** سے کرلیا تو یہ زمین *** کی ملکیت سے نکل کر *** کی ملکیت میں آگئی   اور سابقہ مالکان میں سے کسی کی ملکیت کا اس سے تعلق نہیں رہا، لہٰذا ***  کا نہ *** سے مطالبہ درست ہے اور نہ *** سے  درست ہے۔ نیز *** سے *** کے علاوہ بھی کسی کا مطالبہ کرنا درست نہیں کیونکہ اس زمین سے ان سب کی ملکیتیں اب ختم ہوگئی ہیں اور یہ زمین اب صرف *** کی ملکیت میں ہے۔

بدائع الصنائع (4/419)میں ہے:

(وأما) المبادلة بالفعل فهي التعاطي ويسمى هذا البيع بيع المراوضة وهذا عندنا وقال الشافعي – رحمه الله – لا يجوز البيع بالتعاطي؛ لأن البيع في عرف الشرع كلام إيجاب وقبول، فأما التعاطي فلم يعرف في عرف الشرع بيعا، وذكر القدوري أن التعاطي يجوز في الأشياء الخسيسة، ولا يجوز في الأشياء النفيسة، ورواية الجواز في الأصل مطلق عن هذا التفصيل وهي الصحيحة؛ لأن البيع في اللغة والشرع اسم للمبادلة، وهي مبادلة شيء مرغوب بشيء مرغوب، وحقيقة المبادلة بالتعاطي وهو الأخذ والإعطاء

بدائع الصنائع (4/482)میں ہے:

أما البيع الصحيح الذي لا خيار فيه فله أحكام لكن بعضها أصل، وبعضها من التوابع (أما) ‌الحكم ‌الأصلي، فالكلام فيه في موضعين: في بيان أصل الحكم، وفي بيان صفته.

(أما) الأول: فهو ثبوت الملك للمشتري في المبيع، وللبائع في الثمن للحال

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم