طلاق کے عدد میں شک

استفتاء

کیا فرماتے ہیں مفتیان کرام بیچ اس مسئلہ کے کہ**** نےکچھ روز پہلے اپنی بیوی کو نشہ کی حالت میں جس وقت ان کے حواس ان کے قابو سے باہر تھے اپنی بیوی کو طلاق دے بیٹھے ہیں ان کا کہنا ہے کہ مجھے یاد نہیں کہ میں نے طلاق کتنی مرتبہ دی؟ تین طلاقیں دی، یا تین سے کم ، یا تین سے زیادہ۔ اور ان کی اہلیہ کو بھی اس بات کا صحیح یقین نہیں ہے کیونکہ ان کی بیوی کی حالت یہ ہے کہ وہ کانوں سے بہت اونچا سنتی ہے اور منہ سے گونگی ہے ان کو نہیں معلوم کتنی طلاقیں دی؟ اب جبکہ**** چھ بچوں کے باپ ہیں ان کا کہنا ہے کہ اس عورت کا کوئی پرسان حال نہیں ہے اور میرے بعد وہ عورت بے سہارا ہو جائے گی۔

نشہ کی حالت کی وضاحت:**** چالیس سال سے شراب پینے کے عادی ہیں اور حالت یہ ہے کہ جب تک شراب نہ پیے اس وقت تک ان کی طبیعت بے چیز رہتی ہے۔

الجواب :بسم اللہ حامداًومصلیاً

مذکورہ صورت میں ایک طلاق رجعی واقع ہوگئی ہے شوہر رجوع کرسکتا ہے۔

و لو شك أطلق واحدة أو أكثر بنى على الأقل.(شامی: 4/ 379) فقط واللہ تعالیٰ اعلم