طلاق میں بیوی کی طرف نسبت معنوی کافی ہے

استفتاء

حضرت مفتی صاحب ایک مسئلہ میں راہنمائی فرمائیں کہ

میرااپنی بیوی سے جھگڑاہورہاتھادرمیان جھگڑامیرے منہ سے یہ الفاظ نکل گئے ” طلاق، طلاق، طلاق”۔

نہ تو میں نے عورت کی طرف نسبت کرکے کہا اور نہ ہی اس کانام لیا اور اس میں طلاق دینے کی نیت بھی نہیں تھی بلکہ کوئی نیت بھی نہیں تھی، محض غصہ میں یہ الفاظ منہ سے نکل گئے۔

الجواب :بسم اللہ حامداًومصلیاً

مذکورہ صورت میں بیوی کو طلاق کی نسبت اگرچہ صراحتا نہیں ہے لیکن معنوی طور پر نسبت موجود ہے لہذا بیوی پر تین طلاقیں واقع ہوگئی ہیں۔  اور بیوی شوہر پر حرام ہوگئی ہے اب نہ صلح ہوسکتی ہے اور نہ رجوع ہوسکتاہے۔واللہ تعالیٰ اعلم