تقسیم میراث کی صورت

استفتاء

السلام علیکم ورحمۃ اللہ وبرکاتہ

کیا فرماتے ہیں مفتیان کرام اس مسئلہ کے بارے میں کہ میرابھائی امریکہ میں رہتا تھا، ان کی دو بیویاں ہیں۔ اب میرے بھائی کا انتقال  ہو گیا ہے، ہمارا والدین کی طرف سے وراثت کے طور پر ملا ہوا ایک مکان ہے۔ ہم یہ پوچھنا چاہتے ہیں کہ ہمارے بھائی کی دونوں بیویوں کا ہمارے وراثتی مکان میں کتنا حصہ ہے؟

ہمارے والدین کا بھائی سے پہلے ہی انتقال ہو چکا ہے۔   پہلے والدہ کا انتقال ہوا پھر والد کا انتقال ہوا۔ والد کے انتقال کے وقت ہم پانچ بھائی تھے اور ایک بہن تھی۔

جو بھائی اب انتقال کر گئے ہیں ان کی پہلی بیوی سے تین بچے ہیں جن میں سے ایک بیٹا اور دو بیٹیاں ہیں اور دوسری بیوی سے صرف دو بیٹیاں ہیں۔ اب صرف ان کے حصوں کو بتا دیں۔

الجواب :بسم اللہ حامداًومصلیاً

مذکورہ صورت میں موروثی مکان یا اس کی قیمت کو 264 حصوں میں تقسیم کرکے48،48حصے آپ کے ہر بھائی کو اور24حصے آپ کی بہن کو اور3،3حصے آپ کے مرحوم بھائی کی ہر ایک بیوی کو اور 14حصے مرحوم بھائی کے بیٹے کو اور7،7حصے مرحوم بھائی کی ہر بیٹی کو ملیں گے۔صورت تقسیم یہ ہے:

11×24=264                                                                                                     

بیٹا            ———-        بیٹا————-                    بیٹا                    ————–بیٹا              ———-      ایک بہن

2×24           2×24           2×24           2×24           1×24

48               48               48               48               24

8×6=48                                                           2×24=48

دو بیویاں—————                             بیٹا——————                                4 بیٹیاں

1/8———————                                               عصبہ

1×6                                    7×6

6                                        42

3+3                          14                         7+7+7+7