تقسیم میراث کی ایک صورت

استفتاء

السلام علیکم ورحمۃ اللہ وبرکاتہ

سوال : کیا فرماتے ہیں مفتیانِ کرام اس مسئلہ کے بارے میں کہ ایک شخص نے اپنے حقیقی بھائی کو اپنا بیٹا لے پالک کے طور پر دے دیا ، اب یہ شخص جسے بیٹا دیا تھا فوت ہوگیا ، اس کے ورثاء میں ایک بیوی ،  (6) بھائی ، ایک بہن ، والدہ اور ایک لے پالک بیٹا ہے ۔ لے پالک بیٹا فوت شدہ شخص نے یونین قونصل سے اپنے نام رجسٹرڈ کروالیا تھا ۔

اب جواب طلب امر یہ ہے کہ ان تمام ورثاء میں میراث  کیسے تقسیم ہوگی نیز کیا اس لے پالک بیٹے کا میراث میں حصہ ہوگا یا نہیں ؟

———————میت——————

بیوی — 6 اُخ —1 اُخت—1 اُم – 1 لے پالک

سائل : حاجی عبدالشکور

تنقیح : فوت شدہ نے اپنے لے پالک کے لئے کوئی وصیت کی تھی ؟ یا زندگی میں ان کے نام کچھ لگوایا تھا ؟

جواب تنقیح : فوت شدہ نے ایسا کچھ نہیں کیا  ۔

الجواب :بسم اللہ حامداًومصلیاً

مرحوم کے ترکہ کے کل ایک سو چھپن( 156)حصے کئے جائیں گے جن میں سے انتالیس (39 )حصے بیوی کو ملیں گے اور چھبیس (26) حصے مرحوم کی والدہ کو ملیں گے ،چودہ ،چودہ (14، 14)  حصے ہربھائی کو ملیں گے اورسات (7)  حصے بہن کو ملیں گے ۔ واضح رہے کہ لے پالک بیٹے کا شرعامرحوم کے ترکہ میں کوئی حصہ نہیں ہے ۔

تقسیم کی صورت درج ذیل ہے:

12×13=156

والدہ                      ————–بیوی         ———–          6بھائی———–                            1بہن                 ———-1لے پالک

1/6————-                       1/4—————                              عصبہ    ————                                     م

2×13=26                       3×13=39                  13×7=91

26———                                    39  ————-                 فی کس14———–                      7

نوٹ:اگر تمام ورثاء بالغ ہوں اور اپنی رضامندی سے میت کے لے پالک کو کچھ دینا چاہیں تو دے سکتے ہیں۔