تقسیم میراث کی ایک صورت

استفتاء

السلام علیکم و رحمۃ اللہ و برکاتہ

ایک شخص کی بیوی فوت ہوئی ہے۔ فوت شدہ عورت کے ورثاء میں ایک بیٹا اور شوہر، والدین، چار بہنیں  اور دو بھائی ہیں۔ مسئلہ یہ پوچھنا ہے کہ اس فوت شدہ عورت کے کچھ پیسے ہیں، زیور بھی ہے اور کپڑے بھی، اب وراثت کس طرح تقسیم ہو گی۔ فوت شدہ عورت کا بیٹا ابھی چھ سات ماہ کا ہے۔

الجواب :بسم اللہ حامداًومصلیاً

مذکورہ صورت میں مرحومہ کا کل ترکہ یا اس کی قیمت کے 12 حصے کیے جائیں گے، جن میں سے 3 حصے مرحومہ کے شوہر کو، 5 حصے ان کے بیٹے کو، اور 2حصے ان کے والد کو، اور 2  حصے ان کی والدہ کو ملیں گے۔جبکہ مرحومہ کے بھائی اور بہنوں کو کچھ نہیں ملے گا۔  صورت تقسیم یہ ہے:

12                                                                                                                  

شوہر—–                      بٹیا—–                     والد                   ——–والدہ                 ———-دو بھائی، چار بہنیں

1/4———-                     عصبہ———–                 1/6             ————1/6———–                 محروم

3                     5                 2                 2