تصوير والی بيڈ شيٹ کے سامنے نماز پڑھنا

استفتاء

پوچھنا یہ ہے کہ میری بیڈ شیٹ پر تصویر بنی ہے اور قبلہ بھی اسی جانب ہے تو اگر نماز پڑھ لی تو ہو جائے گی؟

الجواب :بسم اللہ حامداًومصلیاً

مذکورہ صورت میں نماز بلا کراہت ہو جائے گی ۔

توجیہ :جس کمرے میں جاندار کی تصویر نمازی کے سامنے یا دائیں بائیں ہو اور بڑے ہونے کی وجہ سے صاف نظر آتی ہو وہاں نماز پڑھنا مکروہ ہے لیکن اگر تصویر کسی  بچھونے پر ہو تو چونکہ اس صورت میں اس کو روندا جاتا ہے اس لیے اس صورت میں نماز مکروہ نہیں ہوتی ۔مذکورہ صورت میں بھی چونکہ تصویر بیڈ شیٹ (بچھونے) پر ہے اس لیے نماز مکروہ نہ ہوگی۔

درمختار (1/648) ميں  ہے:

‌وأن ‌يكون ‌فوق ‌رأسه أو بين يديه أو (بحذائه) يمنة أو يسرة أو محل سجوده (تمثال) ولو في وسادة منصوبة لا مفروشة

(قوله ‌منصوبة) أي بحيث لا توطأ ولا يتكأ عليها قال في الهداية: ولو كانت الصورة على وسادة ملقاة أو على بساط مفروش لا يكره لأنها تداس وتوطأ، بخلاف ما إذا كانت الوسادة ‌منصوبة أو كانت على الستر لأنها تعظيم لها

ہندیہ (1/105) میں ہے:

«ولو ‌كانت ‌على ‌وسادة منصوبة بين يديه يكره»

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم