تین طلاق کے نوٹس

استفتاء

میں نے طلاق کے نوٹس بھیجے ہیں ،لیکن وہ میرے سسر کو پہنچے ہیں ،بیوی کو نہیں ،البتہ یہ معلوم نہیں کہ بیوی کو اس کا علم ہوگیا ہے یا نہیں؟آیا مذکورہ صورت میں طلاق ہوئی یا نہیں؟

نوٹ:طلاق نوٹس ساتھ لف ہیں

الجواب :بسم اللہ حامداًومصلیاً

مذکورہ صورت میں بیوی کو تین طلاقیں ہوچکی ہیں، جن کی وجہ سے بیوی شوہر  پر حرام ہوچکی ہے لہٰذا اب نہ صلح ہوسکتی ہے اور نہ رجوع کی گنجائش ہے۔

رد لمحتار (4/441) میں ہے:

وإن كانت مرسومةً يقع الطلاق نوى أو لم ينو … ولو قال للكاتب: اكتب طلاق امرأتي كان إقراراً بالطلاق وإن لم يكتب؛ ولو استكتب من آخر كتاباً بطلاقها وقرأه على الزوج فأخذه الزوج وختمه وعنونه وبعث به إليها فأتاها، وقع إن أقر الزوج أنه كتابه أو قال للرجل: ابعث به إليها، أو قال له: اكتب نسخةً وابعث بها إليها”.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم