تیرہ دن بعد حیض آنے کی صورت میں نمازوں کاحکم

استفتاء

کسی لڑکی کو دو تین ماہ سے اس طرح ماہواری ہو رہی تھی کہ پاکی کے ایام پورے پندرہ دن تھے لیکن اس ماہ تیرہ دن بعد ہی ماہواری شروع ہو گئی اس صورت میں نمازوں کا کیا حکم ہے ؟

الجواب :بسم اللہ حامداًومصلیاً

تیرہ دن کے بعد آنے والا خون استحاضہ کا ہے اس میں عورت کے لیے وہی حکامات ہیں جو پاک عورت کے ہوتے ہیں ۔اگر خون جاری رہتا ہے تو پندرہ دن پور ے کرنے کے بعد ماہواری شمار ہو گی۔

نوٹ۔خون جاری رہنے یا بند ہونے کی صورت میں دوبارہ صورت حال بتا کر پوچھا جائے ۔فی الحال حکم یہ ہے کہ تیرہویں دن کے بعد آنے والا خون استحاضہ  ہے