الٹاسوناگناہ ہےیانہیں؟

استفتاء

الٹاسونایعنی نیندمیں سوتے ہوئےکمراوپرآسمان کی طرف کرکےسوناگناہ ہےیانہیں؟

الجواب :بسم اللہ حامداًومصلیاً

الٹا لیٹنے سے احادیثِ مبارکہ میں ممانعت آئی ہے، اس طرح لیٹنےکواللہ تعالی ناپسندکرتےہیں اوریہ جھنمیوں کے لیٹنے کا طریقہ  بتایاگیاہے۔

ترمذی(رقم الحدیث2768)میں ہے:

عن أبي هريرة قال:رأى رسول الله صلى الله عليه وسلم رجلاًمضطجعاًعلى بطنه فقال:إن هذه ضجعةلايحبهاالله.

ترجمہ:  حضرت ابوہریرہ  ؓ  فرماتے ہیں کہ رسول اللہﷺ نے ایک شخص کو اوندھا ( پیٹ کے بل لیٹے ہوئے)دیکھا تو آپ ﷺنےفرمایا کہ اس طرح سے لیٹنا اللہ کے نزدیک ناپسندیدہ ہے۔

ابن ماجہ(رقم الحدیث3724)میں ہے:

عن أبي ذرقال: مربي النبيﷺوأنامضطجع على بطني فركضني برجله،وقال:ياجندب إنماهي ضجعةأهل النار.

ترجمہ: حضرت ابوذر  ؓ  فرماتے ہیں کہ ایک مرتبہ رسول اللہﷺ میرے پاس سے گزرے جب کہ میں اپنے پیٹ کے بل لیٹا ہوا تھا آپﷺ نے دیکھ کر اپنے پاؤں سے مجھے متوجہ کیا اور فرمایا:اےجندب(حضرت ابوذر رضی اللہ عنہ کا نام ہے) اس طرح لیٹنا دوزخیوں کا طر یقہ ہے۔

مرقاةشرح مشكاة (8/495)میں ہے:

(لايحبهاالله)لأن وضع الصدروالوجه اللذين من أشرف الأعضاءعلى الأرض إذلال في غير السجود،أوهذه الضجعةرقدة اللواطة،فالتشبيه بهم مذموم،وسيأتي في الحديث أنهاضجعة يبغضها الله،وفي الحديث إنماهي ضجعةأهل النار.

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم