والدہ کی میراث کی ایک صورت

استفتاء

میری والدہ (*** بیگم)کی پہلی شادی ہوئی اوراس شوہرسے ایک بیٹا (**)پیداہوااورحق مہر میں تین کنال جائیداد ملی تھی جو کہ طلاق کے بعد والدہ نے اپنےبچے (فضل باری)کے نام کردی ۔

میری والدہ نے دوسری شادی کی اوراس شوہرسے تین بچے ایک بیٹا (***)اور دو بیٹیاں (******)پیداہوئیں اور حق مہر میں تین کنال( پہلے تین کنال کے علاوہ) جائیداد ملی اب میرےوالدصاحب یعنی میری والدہ کےبعدوالےشوہرفوت ہوچکےہیں۔

مسئلہ یہ ہے کہ میری والدہ کودوسری شادی میں جو حق مہر کی تین کنال جائیداد ملی ہے (1)اس جائیداد میں اس بیٹے (***) کاجوپہلےشوہرسےہےحصہ ہوگا کہ نہیں ؟(2)اگر حصہ ہوگا تو کتنا اور اگر نہیں ہوگا تو جناب سے گزارش ہے میری تصحیح فرما دیں۔

وضاحت مطلوب ہے: آپ کی والدہ کوپہلےشوہرسےجوحق مہرمیں تین کنال جائیداد ملی تھی وہ آپ کی والدہ نے طلاق کے بعد اپنےبچے (فضل باری)کے نام کیوں کی؟

جواب وضاحت:وہ زندگی میں والدہ نے ان کےنام کردی تھی یعنی انہی کی ملکیت میں دی تھی اور یہ کہاتھا کہ یہ ان کا حصہ ہےاور باقی جائداد میں ان (**)کا کوئی حصہ نہیں ہوگا۔

فریق ثانی(****)کاموقف:

میں اس مذکورہ بیان سے اتفاق کرتاہوں۔

الجواب :بسم اللہ حامداًومصلیاً

(1) مذکورہ صورت میں زیتون بیگم کے پہلے شوہر سےبیٹے (** )کو زیتون بیگم نے زندگی میں جو جائیدادی ہے وہ صرف انہی کا حق ہے اس میں کسی دوسرے کا کوئی حق نہیں اور باقی جائیداد جو زیتون بیگم کو دوسرے شوہر نے حق مہر میں(تین کنال زمین )دی اس میں یہ بیٹا(*** )حصہ دارنہیں ہوگاکیونکہ والدہ نےوہ(تین کنال)جائداد ان کومحض ہدیہ(گفٹ)کےطورپرنہیں دی تھی بلکہ ان کےحصےکےطورپردی تھی۔

(2)مذکورہ صورت میں *** بیگم کی اس تین کنال جائداد کے علاوہ (جوزندگی میں انہوں نے فضل باری کو دی )باقی کل ترکہ کے چار حصے کیے جائیں گے جن میں سے بیٹے (***)کو دو حصے اور ہر بیٹی کو ایک "ایک حصہ ملے گا۔

تقسیم کی صورت درج ذیل ہے:

زیتون بیگم4                                                                               

بیٹا(***)                               بیٹی(****)                          بیٹی(**)

2                                                                                           1                                                                                                   1

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم