(1)والد کی زندگی میں فوت ہونے بیٹے کاوالد کا میراث میں حصہ (2)میت کی اولاد کی موجودگی میں والدین کاحصہ

استفتاء

1۔اگر بیٹا والد کی زندگی میں انتقال کر جائے تو والد کی جائیداد میں اس بیٹے کا کیا حصہ ہو گا ؟

2۔اور   اس بیٹے کی جائیداد میں والدین کا کیا حصہ ہو گا؟جبکہ اس کے(بیٹے کے)ورثاء یہ ہیں:دو بیٹے، دو بیٹیاں ،والد ،والدہ اورایک بیوہ۔

الجواب :بسم اللہ حامداًومصلیاً

1۔جوبیٹا والد کی زندگی میں وفات پاچکا ہے اس  کووالد کی وراثت میں سے کچھ حصہ نہیں ملے گا،کیونکہ وارث بننے کے لیے ضروری ہے کہ وارث مورث کی وفات کے وقت زندہ ہو۔

في الشامية:10/525

وشروطه ثلاثة موت مورث حقيقة او حکما کمفقوداو تقديرا کجنين فيه غرة ووجود وارثه عندموته حيا حقيقة اوتقديرا کالحمل والعلم بجهة ارثه

2۔مذکورہ صورت میں مرحوم(بیٹے) کے کل ترکہ کے 144حصے بناکر 24حصےباپ کواور24حصےماں کو اور18حصےبیوی کو اور26،26حصےہر بیٹے کواور13،13حصےہر بیٹی کو ملیں گے۔تقسیم کی صورت درج ذیل ہے:

24×6=144

باپ——-                       ماں———-                   بیوی———                  2بیٹے———-                            2بیٹیاں

1/6————                  1/6————              1/8    ———–                             عصبہ

4×6                 4×6             3×6                                13×6

24                             24               18                                  78

24———                             24————               18——-               فی کس26———                      فی کس13