والدہ دو بیٹے تین بیٹیوں کی میراث کی ایک صورت  ، والد کا مکان کے لئے لیے ہوئے قرض کا حکم

استفتاء

ایک پراپرٹی جس کی قیمت 70 لاکھ روپے ہے ورثاء میں والدہ،بیوی،دو بیٹے تین  بیٹیاں ہیں جب کہ ایک بیٹے کے 10 لاکھ روپے اس مکان میں لگے ہوئے ہیں جو انہوں نے والد صاحب کو بطور قرض کے دیے تھے اوراس کے علاوہ والد صاحب نے ورثاء کے علاوہ کسی اور سے بھی پانچ لاکھ روپے قرض لے کر اس مکان میں لگائے ہیں اس کی تقسیم کیسے ہوگی اور ورثاء کے حصے میں کتنی رقم آئے گی؟

الجواب :بسم اللہ حامداًومصلیاً

مذکورہ صورت میں میت کے ترکہ سے سب سے پہلے قرض یعنی دس لاکھ بیٹے کا اور پانچ لاکھ دوسروں کا نکالا جائے گا ۔ اس کے بعد باقی کل ترکہ یا اس کی قیمت کے168 حصے کیے جائیں گے جن میں سے والدہ کو 28حصے(16.66 فیصد) بیوی کو21حصے(12.5فیصد)اور ہر بیٹے کو 34، 34حصے(20.238فیصد)  اور ہر بیٹی کو 17،17 حصے(10.119 فیصد) ملیں گے۔

تقسیم کی صورت درج ذیل ہے:

24×7=168                                                                                                              

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم