والدین کو برائیوں سے منع کرنے کا حکم

استفتاء

جو لوگ دوسرے لوگوں پر بہتان لگاتے ہوں الزام تراشی کرتے ہوں ملازموں کے ساتھ غلط رویہ رکھتے ہوں چاہے وہ ہمارے ماں باپ ہی کیوں نہ ہوں کیا ہم ان کو منع کر سکتے ہیں؟ ان کے لئے قرآن پاک اور حدیث کا کیا فرمان ہے حوالہ دیجئے۔

الجواب :بسم اللہ حامداًومصلیاً

ادب کا لحاظ رکھتے ہوئے والدین کو مذکورہ بالا برائیوں سے منع کر سکتے ہیں تاہم اگر وہ منع کرنے کے باوجود بھی نہ رکیں تو پھر ان کے لیے دعاء اور استغفار کریں۔

ردالمحتار(6/124) میں ہے:

’’إذا رأى منكرا من والديه يأمرهما مرة، فإن قبلا فبها، وإن كرها سكت عنهما واشتغل بالدعاء والاستغفار لهما فإن الله تعالى يكفيه ما أهمه من أمرهما‘‘

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم