میراث کی ایک صورت

استفتاء

ایک شخص کے دو بیٹے اور دو بیٹیاں تھیں بیوی اور والدین ان کے پہلے فوت ہو گئے تھے پھر ان کی زندگی میں ایک بیٹی کا انتقال ہوا اس کے بعد  مذکورہ شخص کا انتقال ہوا ورثاء میں دو بیٹے اور ایک بیٹی ہے ترکہ میں کارخانہ اور ایک گھر چھوڑا کارخانہ  ایک بیٹے نے لے لیا اور دوسرے بیٹے  نے گھر لے لیا۔

1۔کیا فوت شدہ بیٹی کی اولاد کو کچھ حصہ ملے گا؟

2۔جو بیٹی زندہ ہے اس کا مذکورہ جائیداد میں کتنا حصہ بنتا ہے کیا گھر رکھنے والے بھائی کے ذمے  اس کا حصہ ہے یا کارخانہ رکھنے  والے بھائی کے ذمے ہے ؟

الجواب :بسم اللہ حامداًومصلیاً

1۔فوت شدہ  بیٹی کی اولاد کو حصہ نہیں ملے گا۔

شامی(525/10)میں ہے:

وشروطه ثلاثة:موت مورث حقيقة او حكما كمفقود او تقديرا كجنين فيه غرة ووجود وارثه عند موته حيا حقيقة او تقديرا كالحمل والعلم بجهته ارثه

مذکورہ صورت میں کارخانہ اور مکان یا ان دونوں کی قیمت کو پانچ حصوں میں تقسیم کریں گے جن میں ہر بھائی کو دو حصے اور بہن کو ایک حصہ ملے گا،لہذا  مذکورہ صورت میں کارخانہ  والے اور گھر والے بھائیوں میں سے جس کے قبضہ میں اس کے بننے والے حصہ سے زائد حصہ ہو چاہے ایک کے پاس ہو یا دونوں کے پاس ہو ان کے ذمے ہے کہ وہ اپنی بہن کو زائد حصہ  دیں اگر نہیں دیں گے تو گناہ گار ہوں گے ہاں  اگر کسی ایک بھائی کے قبضہ میں اتنا ہی حصہ ہو جو اس کا مذکورہ صورت میں بنتا ہے تو پھر اس کے ذمے بہن کا کچھ حصہ نہیں۔

تقسیم کی صورت  درج ذیل ہے:

5                                                                                                                                                 

بیٹا                                      بیٹا                                            بیٹی                                                                                            عصبہ                                                                                                                             2                                 2                                                1                                                                     فی بیٹا 2 حصے اور بیٹی 1 حصہ                                                                                                              ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط و اللہ تعالی اعلم