وراثت کی ایک صورت

استفتاء

ایک شخص کے پانچ بیٹے اور تین بیٹیاں ہیں، اور بیوی بھی ہے، اس کا انتقال ہو گیا ہے، مرحوم 13 ایکڑ زرعی اراضی چھوڑ گیا ہے۔ یہ زمین کس طرح تقسیم ہو گی؟

وضاحت مطلوب ہے: کیا اس کے والدین میں سے کوئی حیات ہے؟

جواب وضاحت: صرف والدہ حیات ہے۔

آپ طریقہ کار بتا دیں کہ جس طرح تین بھائی اور دو بہنیں ہیں تو دو بہنوں کو ایک بھائی بنا لیتے ہیں، یا تین بہنیں اور دو بھائی ہوں تودو  بھائیوں کو چار بہنیں بنا کر تقسیم کر لیتے ہیں تو کیا اسی طرح مذکورہ صورت میں پانچ (5)بیٹوں کو دس (10)بیٹیاں بناکر تقسم کریں گے؟، اسی طرح ماں یا دادی کا حصہ کس طرح تقسیم کریں گے؟

الجواب :بسم اللہ حامداًومصلیاً

مذکورہ صورت میں  13ایکڑ (2080مرلے) زمین کے 312حصے  کر کے ان میں سے مرحوم کی بیوی کو 39حصے (یعنی 260مرلے)، ان کی والدہ کو 52حصے (یعنی 346.66667 مرلے)، ان کے پانچ بیٹوں میں سے ہر بیٹے کو 34حصے (یعنی 226.66667 مرلے)، اور ان کی تین بیٹیوں میں سے ہر ایک بیٹی کو 17حصے (یعنی 113.33333 مرلے) ملیں گے۔ صورت تقسیم یہ ہے:

24×13=312                                                              13ا یکڑ (2080 مرلے)

بیوی               ———-                   والدہ                             ————-5بیٹے———————-                                        3 بیٹیاں

1/8————–                            1/6            —————–                               عصبہ

3×13                         4×13                                        17×13

39                             52                                            221

39                     —————        52                         ————–34 فی کس——————–                           17 فی کس

260 مرلے———                        346.66667 مرلے    ————-226.66667 مرلے فی کس         —————-113.33333 مرلے فی کس