وراثت کامسئلہ

استفتاء

السلام علیکم ورحمۃ اللہ وبرکاتہ

چوہدری افتخار الدین صاحب اپنی زندگی میں وصیت لکھنا چاہتے ہیں اس کی رہنمائی فرمائیں

1۔چوہدری افتخار صاحب کسی ادارے /خاندان وغیرہ کو بھی حقدار قرار دےسکتے ہیں ؟اس کی مقدار؟

2۔5بیٹیاں ان کے حصہ کی مقدار؟اولاد نرینہ کوئی نہیں جبکہ بیوہ فوت ہو چکی ہے۔

3۔2حقیقی بھائی اور5بہنیں بھی ہیں چوہدری افتخار صاحب کی۔

4۔2عدد سوتیلے بھائی بھی تھے باپ کی طرف سے جو کہ وفات پا چکے ہیں۔

5۔چوہدری افتخار صاحب کے والدین بھی وفات پاچکے ہیں۔

نوٹ:شرعی طور پر سب سے پہلے کس کا حصہ نکالنا چاہیے یعنی وراثت کی تقسیم  کس ترتیب سے ہوگی؟چوہدری افتخار صاحب کے ایک حقیقی بھائی نے ان کی اراضی پر زبردستی قبضہ کیا ہے ،وصیت اوروراثت میں اس اراضی کی کیا حیثیت ہو گی؟بطور مثال کل وراثت ایک لاکھ روپے فرض کرکے اس کو مستحقین وراثت ،وصیت میں تقسیم فرمادیں

الجواب :بسم اللہ حامداًومصلیاً

1۔کل ملکیت کا تیسرا حصہ( 3/1)یا اس سے کم حصہ کی وصیت کرسکتے ہیں۔

2۔وصیت کے بعد جو مال بچے گا اس کے دوتہائی(3/2)حصے کی حقدار بیٹیاں ہوں گی۔

3۔وصیت کےبعد جو مال بچے گا اس کا ایک تہائی(3/1)حصہ دو بھائی اورپانچ بہنوں میں اس طرح تقسیم ہو گا کہ دو حصے ہربھائی کے اورایک ایک حصہ ہر بہن کا ہو گا۔

نوٹ:پہلے وصیت کا حصہ نکالیں گے پھر 5بیٹیوں کا حصہ نکالیں گے اس کےبعد جو بچے گا وہ دوبھائی اورپانچ بہنوں میں تقسیم ہوگا۔

مثلا وصیت کا حصہ نکالنے کےبعد اگر کل میراث ایک لاکھ روپیہ ہو تو اس میں سے 13333.33 روپے ہربیٹی کو اور 7407.40روپے ہرحقیقی بھائی کو اور3703.70روپے ہر بہن کو ملیں گے۔

نوٹ:جس جگہ پر حقیقی بھائی نے قبضہ کیا ہوا ہے وہ بھی وصیت اوروراثت کے اصولوں کے مطابق تقسیم ہوگی۔

تقسیم کی صورت یہ ہے:

3×45=135                                                                                       

5بیٹیاں—————-                            2بھائی  —————-                                     5بہنیں

2/3————————                                                 عصبہ

2×45                                            1×45

90                                                         45

18+18+18+18+18    10+10                                      5+5+5+5+5