- فتوی نمبر: 32-80
- تاریخ: 11 جنوری 2026
- عنوانات: خاندانی معاملات > وراثت کا بیان > وراثت کے احکام
استفتاء
میرے سسر 20 سال پہلے فوت ہوگئے تھے اور ان کی بیوی (یعنی میری ساس) میرے سسر سے 2 مہینے پہلے ہی اللّٰہ کو پیاری ہو گئی تھی ۔میرے سسر جب فوت ہوئے تو پسماندگان میں مندرجہ ذیل ورثاء تھے:
1) ایک بہن غیر شادی شدہ جس کی عمر تقریباً 60 یا 62 سال تھی ، جو 2018 میں فوت ہوگئی ۔ ان کی کبھی شادی نہیں ہوئی ۔
2) پانچ بیٹے شادی شدہ تھے ۔ ان میں ایک میرا بہنوئی بھی تھا (یعنی میرا سالا بھی تھا اور میرا بہنوئی بھی تھا) جو 2020 میں فوت ہو گیا۔ ان کی اپنی کوئی اولاد نہیں ہوئی بلکہ میرا بچہ (بیٹا) پالا جو ماشاءاللہ جوان ہوگیا اور پچھلے سال اس کی شادی بھی ہوگئی ۔باقی میرے سسر کے 4 بیٹے حیات ہیں ۔
3) دو بیٹیاں شادی شدہ (جس میں ایک میری بیوی ہے) اور وہ دونوں ماشاءاللہ حیات ہیں۔
میرے سسر کی اندرون سندھ نواب شاہ کے قریب زرعی زمین اور رہنے کا گھر ہے اور اب وہ زمین بیچ رہے ہیں۔میری گزارش یہ ہے کہ کس طرح جائیداد کی تقسیم ہوگی؟ براہ مہربانی آپ قرآن وسنت کی روشنی میں رہنمائی فرمائیں۔
وضاحت مطلوب ہے: سسر کے والدین سسر کی وفات کے وقت حیات تھے؟
جواب وضاحت: میرے سسر کے والدین میرے سسر کی وفات سے کافی عرصہ پہلے فوت ہوگئے تھے ۔
الجواب :بسم اللہ حامداًومصلیاً
مذکورہ صورت میں جائیداد کے کل 240 حصے کیے جائیں گے جن میں سے10 حصے (4.16فیصد) آپ کے سسر کے مرحوم بیٹے کی بیوی کو، 46 حصے (19.16فیصد) ہر ایک بیٹے کو اور 23 حصے (9.58 فیصد) ہر ایک بیٹی کو ملیں گے۔
صورت تقسیم درج ذیل ہے:
12×20=240
| بیٹا | بیٹا | بیٹا | بیٹا | بیٹا | بیٹی | بیٹی | بہن |
| 2 | 2 | 2 | 2 | 2 | 1 | 1 | محروم |
| 2×20 | 2×20 | 2×20 | 2×20 | 1×20 | 1×20 | ||
| 40 | 40 | 40 | 40 | 20 | 20 |
4×10=40 بیٹا مافی الید2×20=40
| بیوی | 4 بھائی | دو بہنیں | لے پالک |
| 4/1 | عصبہ | محروم | |
| 1 | 3 | ||
| 1×10 | 3×10 | ||
| 10 | 30 | ||
| 10 | 6+6+6+6 | 3+3 |
الاحیاء: بیٹا بیٹا بیٹا بیٹا بیٹا بیٹی بیٹی بہو[مرحوم بیٹے کی بیوی]
46 46 46 46 46 23 23 10
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم
© Copyright 2024, All Rights Reserved