وتر كے بعد دو رکعت نماز

استفتاء

سنت: وتروں کے بعد جو دو رکعت نفل پڑھتے ہیں ان نفلوں میں پہلی رکعت میں سورۂ فاتحہ کے بعد اذا زلزلت الارض اور دوسری رکعت میں سورۂ فاتحہ کے بعد سورۃ قل یا ايها الکافرون پڑھے  تو یہ دو رکعت قائم مقام تہجد کے ہوجاتی ہیں

کیا یہ بات ٹھیک ہے؟

الجواب :بسم اللہ حامداًومصلیاً

یہ بات ٹھیک ہے کہ وتروں کے بعد پڑھے جانے والے دو نفل  تہجد کے قائم مقام ہوجاتے ہیں اور یہ بھی ٹھیک ہے کہ آپ صلی اللہ علیہ وسلم سے ان دو رکعتوں میں سورة زلزال اور سورۃ کافرون پڑھنا ثابت ہے تاہم تہجد کے قائم مقام ہونے کے لیے ان دونوں سورتوں کا پڑھنا ہمیں کسی روایت میں نہیں مل سکا۔

مشكاة المصابيح (1/ 401)میں ہے:

وعن ثوبان عن النبي صلى الله عليه وسلم قال: «إن هذا السهر جهد وثقل فإذا أوتر أحدكم فليركع ركعتين فإن قام من الليل وإلا كانتا له» . رواه الدارمي

وعن أبي أمامة: أن النبي صلى الله عليه وسلم كان يصليهما بعد الوتر وهو جالس يقرأ فيهما (إذا زلزلت) و (قل يا أيها الكافرون).

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم