صرف زینت کے لئے اپرلپ (مونچھوں)کی تھریڈنگ (بال اکھیڑنے)کا حکم

استفتاء

مفتی صاحب  یہ رہنمائی فرما دیں کہ اگر اپرلپ (مونچھوں) کے بال زیادہ واضح نہ ہو رہے ہوں محض چہرے کا حسن بڑھانے کے لئےکوئی تھریڈنگ (بال کو دھاگے   کے ذریعہ اکھیڑنا) کرے تو کیا یہ جائز ہے؟

الجواب :بسم اللہ حامداًومصلیاً

حسن بڑھانے کے لئے عورت کا  اپرلپ (مونچھوں)کی تھریڈنگ  (بال اکھیڑنا)  جائز ہے۔

رد المحتار علی الدرالمختار، کتاب الحظر والاباحۃ، (طبع: مکتبہ رشیدیہ، جلد نمبر9 صفحہ نمبر615) میں ہے:"قال الحصكفي: لقوله ﷺ: لعن الله الواصلة والمستوصلة والواشمة والمستوشمة والواشرة والمستوشرة والنامصمة والمتنمصةقال ابن عابدين: قوله: (والنامصة الخ) ۔۔۔۔ فلو كان في وجهها شعر ينفر زوجها عنها بسببه ، ففي تحريم إزالته بعد ، لأن الزينة للنساء مطلوبة للتحسين ، إلا أن يحمل على ما لا ضرورة إليه لما في نتفه بالمنماص من الإيذاء، وفي تبيين المحارم إزالة الشعر من الوجه حرام إلا إذا نبت للمرأة لحية أو شوارب فلا تحرم إزالته بل تستحب”احسن الفتاوی (ایچ ایم سعید کمپنی کراچی) جلد نمبر 8 صفحہ نمبر 75 پر ہے:” عورت کے لئے چہرے کے بال صاف کرنا جائز ہے ، اور اگر ڈاڑھی یا مونچھ کے بال  نکل آئیں تو ان کا ازالہ مستحب ہے”

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم