- رابطہ: 3082-411-300 (92)+
- ای میل: ifta4u@yahoo.com
- فتوی نمبر: 24-333
- تاریخ: جولائی 17, 2024
- عنوانات: اذان و اقامت, نماز
استفتاء
سوال یہ ہے کہ داڑھی منڈے کی اذان و اقامت کا کیا حکم ہے؟ جب کہ داڑھی والے موجود ہیں، مزید یہ کہ اگر ایسا شخص اذان و اقامت کہے تو نماز کا کیا حکم ہے؟ اقامت،اذان،نماز کا اعادہ کرنا پڑے گا؟
الجواب :بسم اللہ حامداًومصلیاً
داڑھی منڈے شخص کی اذان و اقامت مکروہ ہے،لہذا جب داڑھی والے موجود ہوں تو داڑھی منڈے کو اذان و اقامت نہیں کہنی چاہیے،البتہ اگر ایسے شخص نے اذان واقامت کہہ دی ہے تو اذان و اقامت اورنماز لوٹانے کی ضرورت نہیں ہے۔
مراقی الفلاح(200) میں ہے:
ویکره أذان فاسق؛ لأن خبره لایقبل في الدیانات.
در مختار مع ردالمحتار(75/2) میں ہے:
ويكره اذان امرأة و فاسق….لعدمِ قبول قوله في الديانات.
فتاوی ہندیہ(115/1)میں ہے:
ویکره أذان الفاسق ولایعاد هکذا في الذخیرة.
البنایہ شرح الہدایہ(98/2)میں ہے:
وكذا يكره أذان الفاسق ولا يعاد.
المحیط البرہانی(95/2)میں ہے:
وكذلك يكره أذان الفاسق؛ لأنه أمانة شرعية فلا يؤتمن الفاسق عليه، ولا يعاد أذانه،لحصول المقصود به.
مجمع الانہر(118/1)میں ہے:
(وَكُرِهَ أَذَانُ الْفَاسِقِ) لِعَدَمِ الِاعْتِمَادِ وَلَكِنْ لَا يُعَادُ.
مسائل بہشتی زیور(154/1)میں ہے:
موذن پرہیز گار اور دین دار ہو،اگر فاسق اذان دے اور وقت میں دے تو اعادہ کی ضرورت نہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم
© Copyright 2024, All Rights Reserved