(1)عورتوں کے لئے جمعہ کی رکعات کتنی ہیں؟(2) جمعہ کی چار سنتیں موکدہ ہیں؟

استفتاء

1.کیا عورتوں کے لئے بھی نماز جمعہ کی چودہ رکعات ہیں؟

2.جوظہر کے چار فرض ہوتے ہیں وہ جمعہ کی نماز میں چار سنتیں پڑھی جاتی ہیں تو وہ مؤکدہ ہوتی ہیں یا غیر مؤکدہ؟

الجواب :بسم اللہ حامداًومصلیاً

1. عورتوں کے لیے جمعہ نہیں ،وہ جمعہ کی جگہ ظہر ہی پڑھیں گی یعنی فرض اور سنتوں سمیت بارہ رکعات پڑھیں گی نہ کہ چودہ رکعات۔

2.ظہر کے چار فرض جمعہ کی نماز میں بطور سنتوں کے نہیں پڑھے جاتے کیونکہ جمعہ کے دو فرض ہی ظہر کے چار فرض کے قائم مقام ہیں،لہذا جمعہ کی نماز میں چار سنتیں ظہر کے فرضوں کی جگہ نہیں ہیں  بلکہ الگ سے ہیں اور مؤکدہ ہیں۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم