- فتوی نمبر: 1-105
- تاریخ: 06 اکتوبر 2006
- عنوانات: حظر و اباحت > منتقل شدہ فی حظر و اباحت
استفتاء
میں نوکری کے سلسلے میں بہت پریشان ہوں بہت سی جگہوں پر درخواست بھیجی مگر کوئی کامیابی نہیں ہوئی ۔میرا دل چاہتا ہے کہ مجھے اٹامک انرجی میں حلال روزگار میسر آ جائے ۔براہِ کرم کوئی ایسا وظیفہ یا عمل تجویز فرمادیں تاکہ میرا مسئلہ حل ہو جائے۔
الجواب :بسم اللہ حامداًومصلیاً
صلوة الحاجت پڑھ کر اللہ تعالیٰ سے دعا مانگیں اور سورہ یسٰین کو ”۷مبینوں”کے ساتھ ختم کریں جس کا طریقہ یہ ہے کہ سورہ یٰسین شروع سے پڑھیں اور جب پہلے مبین پر پہنچیں تو پھر شروع سے پڑھیں اور جب دوسرے مبین پر پہنچیں تو پھر شروع سے پڑھیں اسی طرح جب تیسرے اور چوتھے اور پانچویں اور چھٹے اور ساتویں مبین پر پہنچیں تو ہر دفعہ سورہ یٰسین شروع سے پڑھیں اور آخری مرتبہ میں سورہ یٰسین آخر تک پرھیں ۔یہ عمل کریں اللہ تعالیٰ آسانی فرمائیں گے ۔فقط واللہ تعالیٰ اعلم
© Copyright 2024, All Rights Reserved