شرعی میل کتنے کلو میٹر بنتا ہے

استفتاء

شرعی میل،شرعی گزاور نصف صاع کا موجودہ مروجہ کلو میٹر ،میٹر اور کلو گرام کتنا بنتا ہے ؟

الجواب :بسم اللہ حامداًومصلیاً

واضح رہے کہ شرعی میل موجودہ ڈیڑھ کلو میٹر  216.66میٹرکے برابر ہے ۔اور45 شرعی میل اور 48 انگریزی میل سے آدمی مسافر بن جاتا ہے اور دونوں قسم کے میلوں کی مسافت موجودہ مروجہ77.25 کلو میٹر بنتی ہے ۔ اور شرعی گز کی مقدار 45 سینٹی میٹر اور 72 ملی میٹر ہے یعنی آدھا میٹر کے قریب ہے ۔ اور نصف صاع کی مقدار ڈیڑھ کلو گرام  92سینٹی گرام اور 136 ملی گرام ہے جو تقریبا پونے دو کلو گرام ہے یعنی ڈیڑھ کلو گرام سے 92 سینٹی گرام اور 136 ملی گرام اوپر ہے ۔فقط واللہ تعالیٰ اعلم