- فتوی نمبر: 24-139
- تاریخ: 18 اپریل 2024
استفتاء
فجر کے فرضوں کے بعد سناہے سنتیں نہیں پڑھنی چا ہئیں اس کے نہ پڑھنے کی کیاوجہ ہے ؟
الجواب :بسم اللہ حامداًومصلیاً
اس کی وجہ یہ ہےکہ حدیث میں فجر کے بعدنمازپڑھنے سے منع آیاہے ۔
چنانچہ سنن النسائی (1/ 258)ميں ہے:
عن نصر بن عبد الرحمن عن جده معاذ أنه طاف مع معاذ بن عفراء فلم يصل فقلت ألا تصلي فقال إن رسول الله صلى الله عليه و سلم قال : لا صلاة بعد العصر حتى تغيب الشمس ولا بعد الصبح حتى تطلع الشمس .
ترجمہ:معاذ رحمہ اللہ سے روایت ہے کہ انہوں نے حضرت معاذ بن عفراء کے ساتھ طواف کیا پس آپ رضی اللہ عنہ نے نماز(یعنی دوگانہء طواف) نہیں پڑھی میں نے کہا کہ کیا آپ نماز نہیں پڑھتے(یعنی دوگانہءطواف ) انہو ں نے فرما یا کہ حضور علیہ السلام نے فرمایا عصر کے بعد نماز نہیں ہے یہاں تک کہ سورج غروب ہوجائے اور نہ ہی فجر کے بعد یہاں تک کہ آفتاب طلوع ہو جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ اعلم
© Copyright 2024, All Rights Reserved