حديث” جو شخص فجر کی دو رکعت سنت اپنے گھر میں پڑھے تو اس کے رزق میں وسعت کر دی جائے گی” کی تحقیق

استفتاء

حضور صلی اللہ علیہ وسلم نے ارشاد فرمایا کہ جو شخص فجر کی دو رکعت سنت اپنے گھر میں پڑھے تو اس کے رزق میں وسعت کر دی جائے گی اور اس کے اور اس کے گھر والوں میں جھگڑے کم ہو جائیں گے اور اس کا خاتمہ ایمان پر ہوگا۔

کیا یہ روایت درست ہے؟  اگر درست ہے تو یہ روایت سند کے اعتبار سے کیسی ہے؟

الجواب :بسم اللہ حامداًومصلیاً

مذکورہ روایت بعض کتب فقہ میں موجود ہے مگر ہمیں تلاش کے باوجود ابھی تک  اس کی سند نہیں ملی لہٰذا جب تک سند نہ ملے ہم اس حدیث  پر سنداً  کوئی حکم نہیں لگاسکتے۔

حاشیۃ الطحطاوی علی مراقی الفلاح (ص:452) میں ہے:

قال صلى الله عليه وسلم: “‌من ‌صلى ‌ركعتي الفجر” أي سنته “في بيته يوسع له في رزقه ويقل المنازع بينه وبين أهل بيته ويختم له بالإيمان”

الاجوبۃ المرضیۃ للسخاویؒ (3/916) میں ہے:

وعن حديث: “‌من ‌صلى ‌سنة ‌الفجر في بيته يوسع له في رزقه وتقل المنازعة بينه وبين أهله ويختم له بالإيمان”.

فقلت: إنه لا أصل له

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم