عورت کےلیے رات میں نامحرم کےساتھ ڈیوٹی کرنا

استفتاء

طب کے شعبے میں کام کرنے والی خواتین رات کوہسپتال میں ڈیوٹی کر سکتی ہیں جبکہ ساتھ نامحرم بھی ڈیوٹی پے ہوتے ہیں اس صورت میں اگر جائز ہے تو کیا احتیاطیں ہیں؟

الجواب :بسم اللہ حامداًومصلیاً

عورت کے لیے مجبوری میں گھر سے نکلنا ہو تو رات ہو یا دن دونوں اوقات میں نکلنے کی گنجائش ہے لیکن اجنبی مرد کے ساتھ ایسی  تنہائی حرام ہے جس میں کسی دوسرے کے آنے کا خدشہ نہ ہو۔ لہذا طب کے شعبے سے وابستہ خواتین کے لیے یہ صورت جائز نہیں ہے کہ کمرے میں صرف ایک عورت اور ایک مرد ہو اورکسی اور کے آنے کا خدشہ نہ ہو۔و في الاشباه الخلوة بالاجنبية حرام الخ

مزید احتیاطوں کو معلوم کرنے کے لیے اپنی ڈیوٹی سے متعلق تفصیل لکھیں تاکہ غوروفکر کرکے جواب دیا جا سکے۔

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔فقط واللہ تعالی اعلم